''ተመለሱ ''

ኣቱም በዓል ሃንሱ፡ በዓል ባሻይ ደሱ
ናብ ልብኹም ግዳ ዘይትምለሱ
ንመዋቲ ሰብ ከተሐጉሱ'፡ ምስ ኣምላኽ ካብ ትበኣሱ
ቤት ጣኦት ክትሰርሑ፡ ቤት'መቕደስ ካብ እተፍርሱ.......
በስመኣብ ዘይትብሉ ዘይትምለሱ
ሰብ ክጽሊ፡ ንስኹም ትድቅሱ
ሰብ ክሽምግል፡ ንስኹም ተባእሱ፡
ኣረ ጊደፉ ንሓውኹም ንወላዲኩም ኣይትክሰሱ
እወ ጊደፉ ሃይማኖትኩም ኣይትግደፉ ሓጢኣት ከይትሓፍሱ
ሃይማኖትኩም ዘይኮነ፡ እቲ ብሓጢኣት ዝመገለ ልብኹም ሓድሱ
መታን መላእክት ሰማይ ክሕጎሱ።
በጃኹም ኢልናኩም
ስለ ኣምላኽ እናበልኩም፡ ስም ኣምላኽ ኣይተርክሱ
ከመይ ከመይ ድዩ ነገሩ
ብኣፍኩም ስለ ስለ poletic ትግዕሩ
ሰሙነ ሕማማት ጸጊብኩም ትሰኽሩ
እዋእ፡
ካብ እኒ ይሁዳ ዘይትመሃሩ
ካብ ንስጥሮስ ዘይትምከሩ
ኩሉ ክፍደ እንድዩ' ግዲ ከከም ግብሩ
ስለዚ........
ንዑ ድኣ ኣይፋልኩምን ሕሰብሉ
እንተተኻእለኩም ጸልዩ ተማህለሉ
እንተዘይ ኮነ ምስ ዝወጸ የውጽኣና ድኣ በሉ
እምበር...............
ሒዝክሞ ዘለኹም መንገዲ
ቅኑዕ ኣይኮነን ኣየእቱን ዓዲ።