† በስመ ኣብ ወወልድ ወመንፈስ ቅዱስ ኣሓዱ ኣምላክ፣ ኣሜን †
ንዒ ኀቤየ ኦ ድንግል … ምስለ ወልድኪ ፍቁርኪ ኢየሱስ ክርስቶስ ከመ ትባርኪ ላዕሌነ!
ምንጪ <<ሰዓታት ዘሌሊት>>
ጸሎታ ወበረከታ፣ ወምሕረተ ፍቁር ወልዳ የሃሉ ምስለ ኩልነ ሕዝበ ክርስቲያን።
ለዓለም ዓለም ኣሜን!
''ንዒ ኀቤየ ኦ ድንግል''
ንዒ ኀቤየ ኦ ድንግል … ምስለ አዳም ወአቤል ሴት ወኄኖስ ቅዱሳን አበዊሆሙ ለቀደምት ዕደው ስሙያን፡፡
ንዒ ኀቤየ ኦ ድንግል … ምስለ ኄኖክ ወኖኅ ወሴም እለ ረከቡ ሞገሰ በቅድሜሁ ለልዑል፡፡
ንዒ ኀቤየ ኦ ድንግል … ምስለ አብርሃም ይስሐቅ ወያዕቆብ አበውኪ እለ ወለዱ ኪያኪ ትምክሕተ ኩሎ ዓለም፡፡
ንዒ ኀቤየ ኦ ድንግል … ምስለ አብርሃም ይስሐቅ ወያዕቆብ አበውኪ እለ ወለዱ ኪያኪ ትምክሕተ ኩሎ ዓለም፡፡
ንዒ ኀቤየ ኦ ድንግል …ምስለ ሙሴ ወአሮን ካህናት ዘአስተማሰሉኪ በደብተራ ስምዕ እንተ ነበረት በገዳም፡፡
ንዒ ኀቤየ ኦ ድንግል …ምስለ ኢያሱ ነቢይ ወመሥፍን ዘአቀመ ፀሐየ በገባዖን ወከፈሎሙ ርስተ ለዕብራውያን፡፡
ንዒ ኀቤየ ኦ ድንግል … ምስለ ሳሙኤል ሣውዕ ዘደብተራ ስምዕ ዘነሥኦ ለዳዊት እምርዔተ አባግዕ ቅብዓ መንግሥት ዘቀብዖ እምቀርነ ቅብዕ፡፡
ንዒ ኀቤየ ኦ ድንግል … ምስለ ዳዊት አቡኪ መዘምር ዘሐለየኪ እንዘ ይብል ክንፈ ርግብ በብሩር ዘግቡር፡፡
ንዒ ኀቤየ ኦ ድንግል … ምስለ ኢሳይያስ ወኤርሚያስ ሠናያነ ትንቢት ልዑላነ ቃል ወሰባክያን ዘምስለ ኃይል፡፡
ንዒ ኀቤየ ኦ ድንግል … ምስለ ኤልያስ ወኤልሳዕ ነቢያተ እሥራኤል ወምስለ ዕዝራ ሱቱኤል ጽዋዐ ልቡና ዘአስተዮ ዑራኤል፡፡
ንዒ ኀቤየ ኦ ድንግል … ምስለ ሕዝቄኤል ወዳንኤል ሠናያነ ራእይ እለ ዜነው ምስጢራተ ዘበሰማይ፡፡
ንዒ ኀቤየ ኦ ድንግል … ምስለ አናንያ ወዐዛርያ ወሚሳኤል
ትእዛዘ ንጉሥ ዘአበዩ ለአምላክ ሰማይ ዘገነዩ ምእከለ እቶነ እሳት ዘጸለዩ፡፡
ንዒ ኀቤየ ኦ ድንግል …ምስለ ኩሎሙ ነቢያተ ይሁዳ ወሰማሪያ ወባቢሎን በእንተ ወልድከ እለ ከልሑ ከመ ቀርን፡፡
ምንጪ <<ሰዓታት ዘሌሊት>>
ጸሎታ ወበረከታ፣ ወምሕረተ ፍቁር ወልዳ የሃሉ ምስለ ኩልነ ሕዝበ ክርስቲያን።
ለዓለም ዓለም ኣሜን!
No comments:
Post a Comment